Ölkə xaricində çıxış edən azərbaycanlı futbolçu son turda komandalarında qol vurub.

Prosport.Az xəbər verir ki, millimizin üzvü Mahir Emrelinin də formasını geyindiyi "Dinamo" Xorvatiya çempionatında VI tur oyununa çıxıb. Zaqreb komandası səfərdə "Osiyek"lə qarşılaşıb və 3:2 hesabı ilə qalib gəlib.

Mahir Emreli 30-ci dəqiqədə meydana daxil olub  və 71-ci dəqiqədə komandasının ilk qolunu vurub. "Dinamo" qələbə qoluna isə 90+8-ci dəqiqədə imza atıb.

Vüsal İsgəndərlinin formasını geyindiyi "Eqnatiya" isə Albaniya çempionatında II tur oyununa çıxıb. Komanda Rauf Əliyevin sabiq komandası olan "Kukesi"nin qonağı olub və 4:0 hesabı ilə qalib gəlib. "Eqnatiya"nın 4-cü qolunu 58-ci dəqiqədə Vüsal vurub. O, start heyətdə meydana çıxıb və sonadək oynayıb.

Bu, Vüsal İsgəndərlinin Albaniya çempionatında ilk qoludur. Bununla belə, 27 yaşlı hücumçu "Biliş"lə yoxlama görüşündə də fərqlənməyi bacarıb.