“Naxçıvan” BK-nın baş məşqçisi Georgi Kondruseviç Azərbaycan Basketbol Liqasının ikinci turunda “Sumqayıt” üzərində 87:76 hesablı qələbəni şərh edib.

Prosport.Az xəbər verir ki, mütəxəssis komandasının çıxışından razı qaldığını bildirib:

“Bizim üçün çətin oyun oldu. Çünki, bu görüşə hazırlaşmaq üçün elə də çox vaxtımız olmadı. Tam heyətlə sentyabrın 27-dən etibarən məşq edirik. Bu bizim üçün bir az problem idi. Amma oyunçular yaxşı mübarizə apardılar, komandanı və azarkeşləri sevindirdilər. Bu qələbə bizim üçün irəli doğru ciddi adımdır. Amma eyni zamanda oyun keyfiyyətini artırmaq üçün hələ çox çalışmalıyıq.”