"Araz-Naxçıvan" Azərbaycan Premyer Liqasının V  turunda "Kəpəz"in qonağı olub.

Prosport.Az xəbər verir ki, Muxtar Respublika təmsilçisinin baş məşqçisi Azər Bağırov matçdan sonra keçirilən mətbuat konfransında jurnalistlərin suallarını cavablandırıb. Sizi mütəxəssisin fikirləri ilə tanış edirik:

"Oyunun çətin olacağını bilirdik. "Kəpəz"in evdə necə oynadığı hamıya bəllidir. Rəqibi təhlil etmişdik. Azər Məmmədov yaxşı komanda formalaşdırıb. İlk hissədə istədiyimizi etməyə çalışdıq. Futbolçular yaxşı mübarizə apardı. Əlimizə düşən qol imkanlarından maksimum istifadə etdik. 20ci yarıda sığortalı oynamağa çalışdıq. Qapımızda qol gördük. Bu, bizim üçün siqnal olmalıdır. Müdafiədəki boşluqları aradan qaldırmalıyıq".

– Penalti epizodunu necə şərh edərdiniz?
– Hələ epizoda baxmamışam. Hakimlər daha yaxşı bilər. Referi epizoda yaxın idi. Hakimlərin üstünə çox getmək istəmirəm. Baş hakim gəncdir. Ona dəstək olmalıyıq.

– Əvəzetmələri etməkdə məqsədiniz nə idi? Oyuna girənlər sanki özlərini göstərə bilmədi...
– Bəli. Daha çox topu öndə özümüzdə saxlamaq istədik. Orxan Əliyevlə Tural Bayramlının yorğunluğu görünürdü. İstədik ki, qabaqda pressinq edək. Daha çox cinah müdafiəçilərində problem oldu. Onlarla belə danışmamışdıq. Çox yoruldular.