Komandamız qrupda “Bayer”,  “Qarabağ” və “Haken” klubları ilə üz-üzə gələcək və bizim ikinci yer uğrunda mübarizə aparmaq ehtimalımız yüksəkdir.

Prosport.Az xəbər verir ki, bu fikirləri “Qarabağ”ın UEFA Avropa Liqasının qrup mərhələsindəki rəqiblərindən olan Norveçin “Molde” klubunun baş məşqçisi Erlinq Moe səsləndirib

O, püşkatmanın nəticəsini dəyərləndirərkən yerli mətbuata açıqlamasında deyib ki, “Qarabağ”ın ən az digər klublar qədər çətin rəqibdir.

 Ə“Azərbaycan təmsilçisini artıq neçə ildir tanıyıram. Əvvəllər bu klubun oyun səviyyəsinə daha yaxşı bələd idim. Bu gün isə “Qarabağ”ın nə qədər inkişaf etdiyini təsəvvür belə edə bilmirəm”.

O, “Bayer” komandasının qrupun favoriti olduğunu vurğulayıb: “Hər halda biz də bu mübarizənin içində olacağıq. Əminəm ki, bu oyunlar bizə yaxşı komanda olduğumuzu göstərmək imkanı verəcək”.

Qeyd edək ki, Avropa Liqasında qrup mərhələsinin oyunlarına sentyabrın 21-də start veriləcək.