"Qarabağ"ın 15 yaşadək komandası Türkiyənin Kocaeli bölgəsində keçirilən "Kartepe Cup"a qələbə ilə başlayıb.

Prosport.Az-ın xəbərinə görə, Rakif Əliyevin yetirmələri ilk matçda Rumıniyanın "Kampina" klubuna 3:0 hesabı ilə qalib gəlib. "Qarabağ"ın qollarını Murad İbrahimov (14 və 25-ci dəqiqələr) və Uğur Qurbanlı (21-ci dəqiqə) vurub.

Bu gün 2-ci oyunda "Qarabağ" Türkiyənin "Hisareynspor" klubu ilə 2:2 oynayıb. "Qarabağ"dan qolları Murad İbrahimov (3-cü dəqiqə) və Əli Bəşirov (18-ci dəqiqə) vurub.

Qeyd edək ki, turniri "Qarabağ" Akademiyasının koordinatoru Aftandil Hacıyev də izləyir.