“Sabah” Futbol Akademiyasının fiziki hazırlıq üzrə məşqçisi Xose Zarko “Sabahın Ulduzları” layihəsi ilə bağlı fikirlərini bölüşüb.

Prosport.Az xəbər verir ki, ispan mütəxəssis turnirin formatını yüksək qiymətləndirib.

O, yarışın İspaniyada keçirilən analoji turnirlərdən daha uzunmüddətli olduğunu, bunun isə müxtəlif futbolçuları və komandaları yaxından izləməyə imkan verdiyini bildirib: “Düşünürəm ki, çox fərqli və yaxşı turnirdir. İspaniyadakı yarışlardan daha uzunmüddətlidir, amma burada müxtəlif oyunçuları, komandaları görə bilirik. Bunlar futbolçularımız üçün dəqiqlik baxımından və yaxşı başlanğıc etmək üçün əlverişli oyunlardır”.

Mütəxəssis U-14 və U-15 yaş qruplarında beynəlxalq standartlara uyğun turnirlərin inkişaf etdirilməsinin vacibliyini də vurğulayıb: “Bu yaş qrupları üçün hesab edirik ki, bu cür turnirləri təkmilləşdirməyə davam etməliyik. Beləliklə, həm öz, həm də azərbaycanlı oyunçuları hamıya nümayiş etdirə bilərik. Bu, bizim üçün həqiqətən maraqlıdır”.

Qeyd edək ki, “Sabahın Ulduzları” layihəsi AFFA və Bakı Futbol Federasiyasının birgə təşkilatçılığı ilə həyata keçirilir. Turnirdə U-14 və U-15 yaş qrupları üzrə komandalar mübarizə aparır.