“Arsenal”ın yeni transferi Bruno Qimaraesin Premyer Liqanın ilk turunda “Koventri Siti”yə qarşı meydana çıxıb-çıxmayacağı hələlik bəlli deyil.

Prosport.Az xəbər verir ki, bu barədə London klubunun baş məşqçisi Mikel Arteta məlumat verib. 

Braziliyalı yarımmüdafiəçi “Mançester Siti” ilə İngiltərə Superkuboku matçında ilk hissədən sonra əvəzlənib və qarşılaşmadan sonra ayağına buz qoyulub. Arteta futbolçunun vəziyyətinin yaxşılaşdığını, lakin onun “Koventri” ilə görüşə tam hazır olub-olmayacağının hələ dəqiqləşmədiyini bildirib. 

Qeyd edək ki, 28 yaşlı Gimaraes bu ay “Nyukasl”dan “Arsenal”a transfer olunub. Keçid üçün London klubunun 75 milyon funt sterlinq ödədiyi bildirilir. 

“Arsenal” Premyer Liqanın ilk turunda avqustun 21-də “Koventri Siti”ni qəbul edəcək.