Azərbaycanın tanınmış müğənnisi Nigar Camalın qızı Jasmin Keyn futbolçu karyerasını İngiltərədə davam etdirir.

Prosport.Az xəbər verir ki, hazırda “Luton Taun”un formasını geyinən gənc futbolçu son oyunlarından birində baxımlı qolla yadda qalıb.

Jasminin fərqləndiyi epizodun görüntüləri sosial şəbəkələrdə də maraqla qarşılanıb.

Qeyd edək ki, Nigar Camalın qızı uzun müddətdir futbol oynayır. O, daha əvvəl “Tottenhem”in də formasını geyinib.

Jasmin həmin dövrdə açıqlamasında gələcəkdə İngiltərənin köklü klublarından “Çelsi”də çıxış etməyin ən böyük arzularından biri olduğunu bildirib.