"Zirə" futbol  üzrə Azərbaycan Premyer Liqasında ardıcıl 4-cü qələbəsini qazanıb.

Prosport.Az xəbər verir ki, ilk 3 turda maksimum nəticə göstərən “Zirə” ötən mövsümün gümüş mükafatçısı “Sabah”ı qəbul edib.

Görüşün ilk dəqiqələrindən fəallıq nümayiş.etdirən meydan sahibləri artıq 2-ci dəqiqədə hesabı açıb. Ukraynalı hücumçu Vladislav Kulaç meydan sahiblərini önə keçirib – 1:0.

2-ci hissədə isə qonaqların bəxti gətirməyib. Belə ki, 67-ci dəqiqədə qonaqlardan Amin Seydiyev qırmızı vərəqə alaraq meydandan qovulub.

Qarşılaşmada başqa qol olmayıb və "qartallar" ardıcıl 4-cü qələbə ilə liderliyini davam etdirir. 1 oyun az keçirən "Sabah" isə 4 xalla 5-ci sıradadır.

Turun əvvəlki oyunlarında “Araz-Naxçıvan”la “Sumqayıt” heç-heçə (1:1) ediblərsə, “Səbail” səfərdə “Turan Tovuz”a 3:1 hesabı ilə qalib gəlib.

Qeyd edək ki, tura sabah keçiriləcək “Neftçi” – “Qəbələ” və “Qarabağ” – “Kəpəz” matçları ilə yekun vurulacaq.