Azərbaycan Premyer Liqasında I tura yekun vurulub.

Prosport.Az xəbər verir ki, günün yeganə oyununda "Şamaxı" "Qarabağ"ın qonağı olub.

Tofiq Bəhramov adına Respublika stadionundakı qarşılaşma Ağdam təmsilçisinin qələbəsi ilə bitib - 3:1.

"Köhlən atlar"ın heyətində Renaldo Sefas 29-cu dəqiqədə hesabı açıb. Qonaqlardan Edqar Adilxanov 44-cü dəqiqədə tarazlığı bərpa edib. 59-cu dəqiqədə "Şamaxı"nın oyunçusu Rikardo Apolinario avtoqol müəllifi olub. 85-ci dəqiqədə isə "Qarabağ"ın legioneri Aleksey Kaşşuk adını tabloya yazdırıb.

Qeyd edək ki, turun daha əvvəl keçirilən görüşlərində "Turan Tovuz" "Qəbələ"ni (1:0), "Sabah" "Kəpəz"i (2:0), "Neftçi" "Sumqayıt"ı (3:1), "Zirə" "Şəfa"nı (2:0) məğlub edib. "Araz-Naxçıvan" - "İmişli" matçında isə hesab açılmayıb.