Misli Premyer Liqasının I turu “Zirə”nin braziliyalı müdafiəçisi Ruan Renato üçün əlamətdar olub.

Prosport.Az xəbər verir ki, braziliyalı futbolçu “Zirə”nin heyətində Azərbaycan çempionatında 100-cü oyununa çıxıb. 2023-cü ildən Bakı klubunda çıxış edən Ruan Renato bu görüşlərdə 13 qola imza atıb.

Bununla da 31 yaşlı müdafiəçi Azərbaycan çempionatları tarixində eyni klubun heyətində yüksək dəstədə 100 və daha çox oyun keçirən 4-cü braziliyalı futbolçu olub.

Bu göstəricidə rekord “Neftçi”nin sabiq futbolçusu Flavinyoya məxsusdur – 133 oyun.

Braziliyalıların göstəriciləri:

1. Flavinyo (“Neftçi”) – 133 oyun

2. Dodo (“Qəbələ”) – 131

3. Denis Silva (“Neftçi”) – 116

4. Denis Silva (“Şamaxı”) – 113

5. Ruan Renato (“Zirə”) – 100

Qeyd edək ki, braziliyalı Riçard Almeyda “Qarabağ”da daha çox oyun keçirib. Lakin o, sonradan Azərbaycan millisində çıxış etdiyi üçün legioner statusu daşımayıb.

Ruan Renato isə rekordçu Flavinyoya çatmaq üçün qarşıdakı illərdə daha 33 oyun keçirməlidir.