“Neftçi” Misli Premyer Liqasının yeni mövsümünə qələbə ilə başlayaraq uğursuz start seriyasına son qoyub.

Prosport.Az xəbər verir ki, “Ağ-qaralar” I turda səfərdə “Sumqayıt”ı 3:1 hesabı ilə məğlub edib. Bakı təmsilçisi sonuncu dəfə 2022/23 mövsümündə çempionata qələbə ilə başlamışdı. Həmin vaxt “Neftçi” səfərdə “Şamaxı”ya 1:0 hesabı ilə qalib gəlmişdi.

“Neftçi”nin ilk turda 3 və ya daha çox qol vurması isə sonuncu dəfə 2013/14 mövsümündə baş vermişdi. Komanda həmin vaxt AZAL üzərində evdə 4:1 hesablı qələbə qazanmışdı.

“Ağ-qaralar”ın ilk turdakı səfər oyununda 3 və ya daha çox qol vurması üçün isə 25 il gözləmək lazım gəlib. Sonuncu belə nəticə 2001/02 mövsümündə qeydə alınıb. “Neftçi” həmin vaxt səfərdə “Ümid”i 4:0 hesabı ilə məğlub edib.

Beləliklə, “Neftçi” həm qələbə seriyasını bərpa edib, həm də 25 illik göstəricini təkrarlayıb.