“Qarabağ”ın akademiya komandaları “Dinamo” ilə yoxlama oyunları keçirib.

Prosport.Az-ın məlumatına görə, “Qarabağ”ın U-19 və U-16 komandaları Bakıda qonaq olan Gürcüstanın “Dinamo” (Tbilisi) klubu ilə yoxlama oyunlarında üz-üzə gəlib.

U-19 komandaların oyununda “Qarabağ” 1:4 hesabı ilə məğlub olub. Ağdam təmsilçisinin yeganə qolunu Riad Qaradağlı vurub.

U-16 komandaların qarşılaşmasında da “Dinamo” qalib gəlib – 2:1. “Qarabağ”ın qoluna Səbran Muradlı imza atıb.

Qeyd edək ki, komandalar 3 gün əvvəl də yoxlama oyunlarında qarşılaşıblar. Həmin görüşdə “Qarabağ”ın U-19 komandası 3:2 hesabı ilə qalib gəlib, U-16 isə 1:2 hesabı ilə məğlub olub.