Azərbaycan millisinin futbolçusu Renat Dadaşov Türkiyə Super Liqasında çıxış edə bilər.

Prosport.Az xəbər verir ki, İsveçrənin “Qrasshoper” klubunun 24 yaşlı hücumçusu 3 klubdan təklif alıb.

Bunlar “Qaziantep”, “Sivasspor” və “Konyaspor”dur. İlk 2 komanda hətta “Qrasshoper”lə danışığa da başlayıb. Onlar transfer dönəminin son gününə qədər keçidi həll etmək niyyətindədir.

Qeyd edək ki, Renat Dadaşovun “Qrasshoper”lə müqavilə müddəti 2024-cü ilin yayınadəkdir.