“Mançester Yunayted”ə transfer olunan Yuri Tielemas “Aston Villa” ilə bağlı açıqlamasına görə keçmiş klubunun azarkeşlərindən üzr istəyib.

Prosport.Az xəbər verir ki, 29 yaşlı yarımmüdafiəçi yeni komandasını “Aston Villa”dan daha böyük klub adlandırıb. Bu sözlər “Villa” azarkeşlərinin narazılığına səbəb olub.

Tielemas daha sonra sosial şəbəkədə açıqlamasının klub və azarkeşləri incitmək məqsədi daşımadığını bildirib və seçdiyi ifadələrə görə üzr istəyib.

Qeyd edək ki, belçikalı futbolçu 2023-cü ildə “Lester”dən “Aston Villa”ya keçmişdi. O, Birmingem klubunda 134 oyunda 10 qol və 25 məhsuldar ötürmə ilə yadda qalıb. Bu yay isə 35 milyon funt sterlinq qarşılığında “Mançester Yunayted”ə transfer olunub.