UEFA Konfrans Liqasının III təsnifat mərhələsinin cavab oyununda “Qarabağ” bu gün Ukraynanın “Dinamo" (Kiyev) klubu ilə qarşılaşacaq.

Prosport.Az xəbər verir ki, qarşılaşmadan öncə azarkeşlər üçün “Azersun Holdinq”in təşkilatçılığı ilə Tofiq Bəhramov adına Respublika stadionunun önündə xüsusi fan zona yaradılıb.

Fan zonada əyləncəli proqram saat 18:00-dan başlayacaq. Proqram çərçivəsində müxtəlif oyunlar, DJ performansı və digər əyləncələr azarkeşlərin ixtiyarında olacaq. Eyni zamanda holdinqə aid “Azərçay”, “Joyzz”, “Zeytun Bağları”, “Bizim Süfrə”, “Azərsüd”, “Shokki Mokki”, “Bizim Tarla” markaları gələn qonaqlara öz məhsullarını ikram edəcəklər.

Qeyd edək ki, “Qarabağ” futbol klubu 2001-ci ildə “Azərsun Holdinq” tərəfindən himayəyə götürülüb və geridə qalan illər ərzində mühüm uğurlar qazanaraq Azərbaycan idman tarixinə adını qızıl hərflərlə yazdırıb.