“Sabah” UEFA Çempionlar Liqasının pley-off mərhələsinə vəsiqə qazanıb.

Prosport.Az xəbər verir ki, Valdas Dambrauskasın komandası III təsnifat mərhələsinin cavab görüşündə Danimarkanın “Orxus” klubunu 4:0 hesabı ilə məğlub edib.

Masazır təmsilçisinin heyətində Velko Simiç 59-cu, Stiv Solve 67-ci, Coy-Lens Mikels 79-cu, Ksander Severina isə 89-cu dəqiqədə fərqlənib.

“Sabah” səfərdə keçirilən ilk qarşılaşmada rəqibinə 1:2 hesabı ilə məğlub olmuşdu.

Beləliklə, iki oyunun nəticəsinə görə 5:2 hesablı üstünlük qazanan “Sabah” Çempionlar Liqasının pley-off mərhələsinə yüksəlib. Azərbaycan çempionu növbəti mərhələdə "Srvena Zvezda" (Serbiya) - "Hapoel" (Ber-Şeva, İsrail) cütünün qalibi ilə qarşılaşacaq.

20:03

UEFA Çempionlar Liqasının III təsnifat mərhələsində “Sabah” – “Orhus” (Danimarka) matçı başlayıb.

Prosport.Az xəbər verir ki, qarşılaşma Masazırdakı “Bank Respublika Arena”da keçirilir.

Görüşü fransalı FIFA referisi Villi Delajo idarə edir.

Qeyd edək ki, komandalar arasında Danimarkada keçirilən ilk oyunda “Orhus” 2:1 hesablı qələbə qazanıb.