"Şəhriyar Rəhimovun nəşi bu gecə saat 11-dən sonra Bakıya gətiriləcək".

Bunu Prosport.Az-a açıqlamasında "Səbail" klubunun icraçı direktoru Firuz Abdulla deyib.

O, son olaraq "Səbail"in seleksiyaçı məşqçisi işləmiş Şəhriyar Rəhimovun nəşinin nə vaxt Bakıya gətiriləcəyini açıqlayıb. Klub rəsmisi millimizin sabiq futbolçusunun nəşinin Türkiyədən qardaşı vasitəsilə gətiriləcəyini bildirib:

"Dəfn yeri ilə bağlı hələ ki məlumat yoxdur. Qardaşı da Türkiyədədir. Bakıya gəldikdən sonra dəfnin yeri və saatı haqda məlumatımız olacaq".

Qeyd edək ki, xərçəng xəstəliyindən əziyyət çəkən 34 yaşlı Şəhriyar Rəhimov Ankarada müalicə aldığı xəstəxanada dünyasını dəyişib.