Azərbaycan Premyer Liqasında yeni mövsümə hazırlığını davam etdirən “Neftçi” növbəti yoxlama oyununu keçirib.

Prosport.Az xəbər verir ki, “ağ-qaralar” I Liqa təmsilçisi “Şahdağ Qusar”la qarşılaşıb. Görüş “Neftçi”nin 3:1 hesablı qələbəsi ilə başa çatıb.

Paytaxt təmsilçisi 22-ci dəqiqədə hesabı açıb. Rüfət Abbasovun cinah ötürməsindən sonra “Şahdağ Qusar”ın futbolçusu topu başla öz qapısına göndərib.

39-cu dəqiqədə “Neftçi” fərqi iki topa çatdırıb. Freddi Varqasın ötürməsini Lyubomir Tupta dəqiq zərbə ilə qola çevirib.

63-cü dəqiqədə isə Freddi Varqas özü adını tabloya yazdırıb. Bu epizodda Breno Almeyda assist müəllifi olub.

“Şahdağ Qusar” 81-ci dəqiqədə təsəlli qolunu vuraraq hesabı 1:3-ə çatdırıb. Qarşılaşma bu nəticə ilə də yekunlaşıb.