Cənubi Afrika Futbol Assosiasiyası (SAFA) Pitso Mosimaneni milli komandanın baş məşqçisi vəzifəsinə təyin etməyi planlaşdırır.

Prosport.Az “Daily Sport” nəşrinə istinadən xəbər verir ki, bu barədə SAFA prezidenti Denni Jordan açıqlama verib.

Onun sözlərinə görə, 62 yaşlı mütəxəssislə bağlı bəzi məsələlərin həll olunması qalır. Baş məşqçinin adı gələn həftə rəsmən açıqlanacaq.

Qeyd edək ki, Pitso Mosimane daha əvvəl, 2010-cu il dünya çempionatından sonra Cənubi Afrika millisinin baş məşqçisi olub. O, 2012-ci ildə uğursuz nəticələr səbəbindən vəzifəsindən ayrılıb.

Mosimane daha sonra “Mamelodi Sandaunz” və “Əl-Əhli” klubları ilə Afrika Çempionlar Liqasının qalibi olub. O, bu turniri karyerasında ümumilikdə üç dəfə qazanıb.

62 yaşlı mütəxəssis, həmçinin Səudiyyə Ərəbistanı, BƏƏ və İran klublarında baş məşqçi kimi fəaliyyət göstərib.