Argentina millisinin kapitanı və dünya çempionu Lionel Messinin atası Xorxe Messi 68 yaşında vəfat edib.

Prosport.Az xəbər verir ki,bu barədə “Infobae” məlumat yayıb.

Məlumata görə, Xorxe Messi uzun sürən xəstəlikdən sonra Argentinanın Rosario şəhərindəki klinikalardan birində dünyasını dəyişib.Xorxe Messi oğlunun peşəkar futbolçu kimi formalaşmasında mühüm rol oynayıb. O, Lionel Messinin “Nyuells Old Boys” akademiyasındakı ilk addımlarından etibarən onun karyerasını yaxından izləyib və futbolçunun İspaniyaya köçərək “Barselona”da fəaliyyətə başlaması prosesində ona dəstək olub.

Lionel Messi uşaqlıq illərində böyümə hormonu çatışmazlığından əziyyət çəkərkən onun müalicəsi üçün imkanların araşdırılmasında da Xorxe Messi mühüm rol oynayıb. O, oğlunun “Barselona”ya keçidinin təşkilinə kömək edib. Kataloniya klubu isə futbolçunun müalicə xərclərini öz üzərinə götürərək onun inkişafı üçün lazımi şərait yaradıb.

Xorxe Messi uzun illər ərzində oğlunun meydandan kənar əsas məsləhətçisi və nümayəndəsi olub. O, ictimaiyyət qarşısında nadir hallarda görünərək daha çox diqqətdən kənarda qalmağa üstünlük verib.