Türkiyənin “Ərzurumspor” klubuna keçən Nəriman Axundzadə açıqlama verib.

Prosport.Az xəbər verir ki, Super Liqa təmsilçisinin mətbuat xidmətinin suallarını cavablandıran hücumçu bunları komandaya keçidindən, transfer prosesindən və azarkeşlərdən danışıb:

“Burada olduğum üçün çox şadam. Super Liqa kimi bir çempionata gəldiyim üçün sevincliyəm. 

Azərbaycan və Türkiyə mədəniyyət baxımından bir-birinə çox bənzəyir. Mehriban insanlar var. Sosial mediada xoş mesajlar aldım.

Klubun prezidenti mənə maraq göstərdi, gəlməyim üçün çalışdı. Bu, məni xoşbəxt etdi. Burada yeni səhifə açmaq istəyirəm.

“Ərzurumspor”la anlaşandan sonra fanatlarla da maraqlandım. Stadionda yaxşı atmosfer yaratdılar. Fanatlar gəlməyimi istəyirdi”.

Qeyd edək ki, müqavilə ilə ABŞ-nin "Kolambus Kru" klubuna məxsus olan Nəriman Axundzadə növbəti mövsümü icarə əsasında "Ərzurumspor"da keçirəcək.