"Şəfa" öncədən anlaşdığı legionerlə münasibətlərini rəsmiləşdirə bilməyib.

Prosport.Az sportinfo.az-a istinadən xəbər verir ki, 21 ildən sonra elitanın yolunu tutan paytaxt təmsilçisi Saliu Kindo ilə müqavilə imzalaya bilməyib.

Buna səbəb 29 yaşlı legionerin sağlıq durumudur. Belə ki, adıçəkilən hücumçu Bakıda tibbi yoxlanışdan keçə bilməyib. Mali yığmasının üzvünün ürəyində problem aşkarlanıb.

O, son olaraq Albaniyada çıxış edib və "Dinamo Siti"nin şərəfini qoruyub.

Afrikalı forvard indiyədək Birləşmiş Ərəb Əmirlikləri, Bəhreyn, Fil Dişi Sahili, Tunis, Türkiyə, Hindistan, İsrail və Yunanıstanda çıxış edib.