İspaniya Deputatlar Konqresində 2030-cu il dünya çempionatının Mərakeşlə birgə təşkilinə yenidən baxılması təklif edilib.

Prosport.Az xəbər verir ki, təşəbbüsə Seuta şəhərində yaşanan miqrasiya böhranı səbəb olub. Parlamentdə təmsil olunan Sumar koalisiyası hökuməti FİFA, İspaniya Kral Futbol Federasiyası (RFEF) və Portuqaliya hakimiyyəti ilə bu məsələni müzakirəyə çıxarmağa çağırıb.

Təklif müəllifləri, həmçinin:

FİFA-nın insan hüquqları siyasətinə əməl olunmasının yoxlanılmasını;

ev sahibi ölkələr üzrə müstəqil insan hüquqları hesabatının hazırlanmasını;

Seutadakı hadisələrin DÇ-2030 öhdəliklərinə təsirinin qiymətləndirilməsini istəyiblər.

Bundan başqa, deputatlar FİFA-dan dünya çempionatına ev sahibliyi qaydalarının dəyişdirilməsini, ciddi insan hüquqları pozuntuları baş verdiyi halda təşkilatçı statusunun yenidən nəzərdən keçirilməsi və ya ləğv edilməsi mexanizminin yaradılmasını tələb ediblər.