UEFA Çempionlar Liqasının III təsnifat mərhələsinin ilk oyununda "Sabah" səfərdə Danimarkanın "Orhus" komandası ilə üz-üzə gəlib.

Prosport.Az xəbər verir ki, Randers stadionunda keçirilən qarşılaşma Azərbaycan təmsilçisinin 1:2 hesablı məğlubiyyəti ilə başa çatıb.

Ev sahiblərinin hər iki qolunu Ceyms Boqere vurub. Hücumçu 31-ci və 63-cü dəqiqələrdə fərqlənərək komandasına üstünlük qazandırıb.

"Sabah"ın yeganə qolunun müəllifi isə Velko Simiç olub. Serbiyalı yarımmüdafiəçi 66-cı dəqiqədə fərqlənərək hesab arasındakı fərqi minimuma endirib.

Komandalar arasında cavab görüşü 11 avqust tarixində, saat 20:00-da Masazırdakı "Bank Respublika Arena"da keçiriləcək. "Sabah" növbəti mərhələyə yüksəlmək üçün doğma meydanda geridönüş etməyə çalışacaq.