UEFA Konfrans Liqasının III təsnifat mərhələsində "Qarabağ"la qarşılaşacaq Kiyev "Dinamo"sunun baş məşqçisi İqor Kostyuk oyunöncəsi mətbuat konfransında rəqib barədə fikirlərini bölüşüb.

Prosport.Az xəbər verir ki, ukraynalı mütəxəssis Ağdam təmsilçisinin gücünü etiraf edib:

"Qarabağ" ötən mövsüm Çempionlar Liqasında çıxış etmiş güclü rəqibdir. Bununla yanaşıProsport.Az xəbər verir ki,, biz də öz gücümüzə inanırıq, rəqibi təhlil etmişik və növbəti mərhələyə yüksəlmək üçün əlimizdən gələni edəcəyik".

Kostyuk PAOK-a məğlubiyyətdən də nəticə çıxarmalı olduqlarını vurğulayıb:

"Futbolda səhvlər qaçılmazdır. Əsas məsələ futbolçuların həmin səhvlərə necə reaksiya verməsi və onları aradan qaldırmasıdır. Komandamızın oyundan-oyuna inkişaf edəcəyinə inanıram".

Qeyd edək ki, "Dinamo" – "Qarabağ" oyunu sabah Bakı vaxtı ilə saat 21:00-da Polşadakı "Lublin Arena" stadionunda keçiriləcək. Cavab görüşü isə 13 avqust, saat 20:00-da Tofiq Bəhramov adına Respublika stadionunda baş tutacaq.