UEFA Konfrans Liqasının III təsnifat mərhələsində "Qarabağ"la qarşılaşacaq "Dinamo" (Kiyev) komandasının yeni transferi Aleksey Siç matç öncəsi iddialı açıqlama verib.

Prosport.Az xəbər verir ki, müdafiəçi bildirib ki, komanda PAOK-a məğlubiyyəti geridə qoyaraq bütün diqqətini Ağdam təmsilçisi ilə oyuna yönəldib:

"Əlbəttə, PAOK-a məğlubiyyət üzücü oldu. Amma qarşımıza qoyduğumuz məqsədə doğru irəliləməyə davam edirik. Komandada əhval-ruhiyyə yaxşıdır, döyüşkəndir. "Qarabağ"a qarşı ən yaxşı oyunumuzu göstərməyə hazırıq".

Siç komandaya artıq uyğunlaşdığını da vurğulayıb:

"Heyətdəki bir çox futbolçunu Ukrayna millisindən tanıyırdım. "Qarabağ"la matçda özümü ən yaxşı tərəfdən göstərmək üçün əlimdən gələni edəcəyəm".

Qeyd edək ki, "Dinamo" – "Qarabağ" oyunu sabah Bakı vaxtı ilə saat 21:00-da Polşadakı "Lublin Arena" stadionunda keçiriləcək. Cavab görüşü isə 13 avqust tarixində Tofiq Bəhramov adına Respublika stadionunda baş tutacaq.