“Qarabağ” UEFA Avropa Liqasının pley-off mərhələsində ilk oyununu keçirib.

Prosport.Az xəbər verir ki, Azərbaycan təmsilçisi Sloveniya klubu “Olimpiya”nın qonağı olub.

“Stojitse” stadionunda baş tutan qarşılaşmaya sürətli başlayan Qurban Qurbanovun yetirmələri ilk hissədə rəqibi 2 dəfə mərkəzə dəvət edib. 32-ci dəqiqədə kolumbiyalı mərkəz müdafiəçisi Kevin Medina, 44-cü dəqiqədə isə kabo verdeli mərkəz yarımmüdafiəçisi Leandru Andradi fərqlənib.

Komandaların 2-ci hissədəki cəhdləri bir nəticə verməyib. Beləliklə, “Qarabağ” 2:0 hesablı səfər qələbəsi qazanaraq, qrup mərhələsinə vəsiqə yolunda önəmli üstünlük əldə edib. Meydan sahiblərinin heyətində son dəqiqələrdə qırmızı vərəqə alan Mozambik əsilli portuqaliyalı sol cinah müdafiəçisi Deyvid Sualehi Bakıdakı cavab görüşünü buraxacaq.

Bu komandalar arasında cavab oyunu avqustun 31-də Tofiq Bəhramov adına Respublika stadionunda keçiriləcək.

21:02

UEFA Avropa Liqasının pley-off mərhələsinin ilk oyunu çərçivəsində keçiriləcək  “Olimpiya” – “Qarabağ” matçının start heyətləri açıqlanıb.

Prosport.Az xəbər verir ki, komandalar meydana aşağıdakı “11-lik”lərlə çıxacaq:

“Olimpiya”: 69. Matevj Vidovşek, 2. Jorje Silva, 3. Deyvid Sualehi, 14. Marçel Ratnik, 16. Ahmet Muhamedbeqoviç, 10. Timi Maks Elşnik, 19. Svit Seşlar, 34. Aqustin Doffo, 99. Rui Pedru, 11. Saar Fadida, 37. Pedru Lukas
Baş məşqçi: Joau Enrike

"Qarabağ": 23. Luka Quqeşaşvili, 44. Elvin Cəfərquliyev, 81. Kevin Medina, 13. Bəhlul Mustafazadə, 27. Toral Bayramov, 6. Julio Romao, 8. Marko Yankoviç, 7. Yassin Benzia, 15. Leandro Andrade, 10. Abdullah Zubir, 19. Redon Cica
Baş məşqçi: Qurban Qurbanov

Qeyd edək ki, “Stojitse”də oynanılacaq görüş Bakı vaxtı ilə saat 22:00-da başlayacaq.