2022/23 mövsümündə premyer-liqada sonuncu olan "Şamaxı"da maliyyə problemləri həll olunmayıb.

Prosport.Az football-plus.az-a istinadən xəbər verir ki, "şirlər" komandadan ayrılan və ya icarəyə göndərilən oyunçuların maaşlarını ödəməyib.

Cari "futbol ili"ndən I liqada çıxış edəcək klub 11 futbolçuya borcludur. Bu məbləğ ümumilikdə 30 100 manat edir. Ötən mövsüm dövlətdən 3 milyon manat maliyyə dəstəyi alan "Şamaxı"nın oyunçulara nə üçün ödəniş etmədiyi maraq doğurur. "Şirlər"in borclu olduğu futbolçuların siyahısını təqdim edirik:

Rəhman Daşdəmirov – 2500 AZN (hazırda "Sabah"da çıxış edir)
Cəlal Hüseynov – 4000 AZN (hazırda Bolqarıstanın "Arda" klubunda çıxış edir)
Elvin Məmmədov – 4500 AZN (karyerasını bitirib)
Fuad Bayramov – 2000 AZN (hazırda "Zirə"də çıxış edir)
Elçin Mustafayev – 2000 AZN (hazırda "Araz-Naxçıvan"da çıxış edir)
Bahadur Həziyev – 2000 AZN (hazırda "Səbail"də çıxış edir)
Nihad Quliyev – 1200 AZN (hazırda "Qarabağ"da çıxış edir)
Kamal Mirzəyev – 2500 AZN (hazırda klubsuzdur)
Rəşad Əzizli – 3000 AZN (hazırda "Qəbələ"də çıxış edir)
Amil Yunanov – 4900 AZN (hazırda "Səbail"də çıxış edir)
Asim Əlizadə – 1500 AZN (hazırda klubsuzdur)

Məsələ ilə bağlı "Şamaxı" rəhbərliyinin fikirlərini öyrənməyə hazırıq.