"Dinamo Kiyev" klubunun Ukrayna Premyer Liqasının III turunda “Kolos”la qarşılaşması təxirə salına bilər.

Prosport.Az xəbər verir ki, bu, paytaxt təmsilçisinin UEFA Konfrans Liqasının III təsnifat mərhələsində “Qarabağ”la keçirəcəyi oyunlarla əlaqədardır.

İqor Kostyukun baş məşqçi olduğu kollektiv Ağdam təmsilçisi ilə avqustun 13-də Bakıda cavab görüşünə çıxacaq. Daha sonra Kiyev komandası avqustun 16-da “Kolos”la oynamalıdır.

Ukrayna klubu çempionat qarşılaşmasını dekabra keçirmək variantını nəzərdən keçirir. Reqlamentə əsasən, avrokuboklarda iştirak edən klub çempionatın ilk 3 turundan 2-ni təxirə salmaq hüququna malikdir.

Bu qərarın əsas səbəbi komandanın sıx qrafiki və mürəkkəb logistika ilə bağlıdır. “Dinamo” qısa müddətdə Bakıdan Polşanın Lublin şəhərinə, oradan isə Kiyevə qayıtmalı olacaq.

Hazırkı təqvimə əsasən, “Dinamo” avqustun 6-da və 13-də “Qarabağ”la, avqustun 9-da “Veres”lə qarşılaşacaq.

Qeyd edək ki, “Dinamo” - “Qarabağ” cütünün qalibi avqustun 20-də və 27-də Konfrans Liqasının pley-off mərhələsində "Dunayska Streda" (Slovakiya) - "Tvente" (Niderland) duelinin güclüsü ilə üz-üzə gələcək.