"Qarabağ"ın UEFA Konfrans Liqasının pley-off mərhələsindəki potensial rəqibləri müəyyənləşib.

Prosport.Az xəbər verir ki, püşkatma mərasimi İsveçrənin Nyon şəhərində baş tutub.

Ağdam klubu turnirin III təsnifat mərhələsində Ukrayna təmsilçisi "Dinamo"nu (Kiyev) mübarizədən kənarlaşdıracağı təqdirdə, "Tvente" (Niderland) – DAK 1904 (Slovakiya) cütünün qalibi ilə qarşılaşacaq.

Qeyd edək ki, qitənin üçüncü dərəcəli klub turnirində ilk oyunlar avqustun 20-də, cavab matçları isə 27-də baş tutacaq.

10:31

UEFA Avropa Liqasında və UEFA Konfrans Liqasında bu gün pley-off mərhələsinin püşkü atılacaq.

Prosport.Az xəbər verir ki, İsveçrənin Nyon şəhərində keçiriləcək püşkatma mərasimində "Qarabağ" klubunun da potensial rəqibi müəyyənləşəcək.

Avrokuboklarda mübarizəyə UEFA Avropa Liqasında start verən Qurban Qurbanovun baş məşqçi olduğu kollektiv I təsnifat mərhələsində "Vestri" (İslandiya) komandasını iki oyunun nəticəsinə (3:0, 3:0) əsasən məğlub edib. II təsnifat mərhələsində Bolqarıstan MOİK-inə 2 oyunun (0:0, 0:0, p. - 4:5)) nəticəsinə əsasən uduzan komanda yoluna UEFA Konfrans Liqasında davam edir.

Ağdam təmsilçisi bu turnirin III təsnifat mərhələsində "Dinamo" (Kiyev, Ukrayna) ilə qarşılaşacaq.

Qeyd edək ki, hər iki turnirdə ilk oyunlar avqustun 20-də, cavab matçları isə 27-də baş tutacaq.