“Şamaxı” futbol klubuna ağır itki üz verib.

Prosport.Az xəbər verir ki, klubun U-13 komandasının üzvü Seyidəli Babazadə faciəvi şəkildə həyatını itirib.

Yeniyetmə futbolçu bu gün Qax rayonunda baş vermiş yol qəzasında həyatını itirib.

Hadisə Qax-Qorağan avtomobil yolunun Əlibəyli kəndi ərazisindən keçən hissəsində qeydə alınıb.

Hərəkətdə olan “Mercedes” və “Niva” markalı minik avtomobillərinin toqquşması nəticəsində 1 nəfər ölüb, 4 nəfər isə yaralanıb.

Seyidəli Babazadə “Niva”da olub.