“Araz-Naxçıvan”ın baş məşqçisi Cavid Hüseynov “Şəfa”ya qarşı keçirdikləri yoxlama oyununu şərh edib.

Prosport.Az xəbər verir ki, gənc mütəxəssis 0:2 hesablı məğlubiyyətdən sonra bunları söyləyib:

“İmişli” ilə oyunda etdiyimiz səhvlərin üzərində işlədik, onları düzəltmək istiqamətində məşqlər etdik. Ancaq yenə işləməliyik, çünki qısa vaxtda bunu aradan qaldırmaq mümkün deyil. Komanda hələ 60 dəqiqə oynamağa hazırdır. Ona görə əsas heyət 60 dəqiqə meydanda oldu, daha sonra digər futbolçulara şans verdik.

Ümumilikdə yoxlama oyunları komandada olan çatışmazlıqları görmək, təsbit etmək üçündür ki, məşq prosesində də onları düzəldək. Hazırlığımız davam edir, hansı sahədə axsadığımızı bilirik və onları duzəltməyə çalışacağıq”.