Futbol üzrə Azərbaycan I və II Liqalarında 2023/2024 mövsümünün püşkü atılıb.

Prosport.Az-ın məlumatına görə, AFFA-nın inzibati binasında baş tutan püşkatma mərasimində Peşəkar Futbol Liqasının vitse-prezidenti Aslan Şahgəldiyev, texniki-idman direktoru Elgiz Abbasov, media və marketinq direktoru Sənan Abdullayev və klubların nümayəndələri iştirak ediblər.

Komanda rəsmiləri yarışların reqlamenti və formatı ilə bağlı məlumatlandırıldıqdan sonra hər 2 yarışın püşkü atılıb. Əsasnaməyə görə, I Liqanın 1-ci dövrəsində meydan sahibi olacaq komandalar III dövrədə də rəqiblərini qəbul edəcəklər.

I Liqanın ilk turunda "Karvan" – "Mingəçevir" və "Araz Saatlı" – "İmişli" kimi qonşu rayonların komandaları üz-üzə gələcək.

I Liqa
I tur
“Difai Ağsu” – MOİK
“Zaqatala” – “İrəvan”
“Karvan” – “Mingəçevir”
“Qaradağ Lökbatan” – “Şamaxı”
“Araz Saatlı” – “İmişli”

II Liqa
I tur
“Ağdaş” – “Şahdağ”
“Baku Sportinq” – “Şəfa Baku”
“Şəki Siti” – “Dinamo”
“Lerik” – “Qusar”
“Şəmkir” – “Kür-Araz” (İmişli)
“Füzuli” – “Cəbrayıl”
“Göygöl” – “Kürmük Qax”

Qeyd edək ki, II Liqa sentyarın 4-də, I Liqa isə sentyabrın 13-də başlayacaq.