Transfer çalışmalarını davam etdirən “Sumqayıt” daha bir futbolçunu “rənglərinə bağlamağa” yaxındır.

Prosport.Az sport24.az-a istinadən xəbər verir ki, “kimyaçılar” Abu Dosso ilə ortaq məxrəcə gəlib.

Sol cinah müdafiəçisi karyerası ərzində Vətəni ilə yanaşı, İsraildə legioner həyatı yaşayıb. Fil Dişi Sahilindən olan 27 yaşlı futbolçunun son klubu “Bney Saxnin” olub. Dosso artıq “Sumqayıt”ın düşərgəsindədir. O “kimyaçılar”a sərbəst futbolçu statusu ilə qoşulub.

Qeyd edək ki, Samir Abbasovun çalışdırdığı komanda Premyer Liqada keçirdiyi hər 2 matçı qələbə ilə başa vurub. “Gənclik şəhəri”nin təmsilçisi ilk turda “Səbail”i (4:1), III oyun həftəsində isə “Qəbələ”ni (2:1) məğlub edib.