1959-cu ilin payızında Gəncənin (ovaxtkı Kirovabad) "Tekstilşik" və Ermənistanın Leninakan (indiki Gümrü) şəhərinin "Şirak" futbol komandası arasında keçirilən görüşdən sonra etnik qanlı toqquşma yaşanıb.

Prosport.Az-ın məlumatına görə, Gəncədə keçirilən bu matç SSRİ çempionatının B divizionunun 2-ci dövrə matçı olub. İlk matçda "Şirak" 6:0 qalib gəlib. Həmçinin, 26 iyunda keçirilmiş SSRİ Kubokunun 3-cü zonasının yarımfinal matçında da "Şirak" bu hesabla qalib gələrək finala yüksəlib (həmin il "Şirak"la yanaşı, bizim "Neftyanik" və Tbilisi SKVO-su da 3-cü zonanın qalibi olub – S.M.).

Göründüyü kimi, 1959-cu ildə tərəflər 3-cü dəfə qarşılaşmalı olur. Bu da matçın prinsipiallığının, gərginliyin çoxalmasına səbəb olub. Bəzi mənbələrdə matçın 11 oktyabrda baş tutduğu deyilsə də, Rusiya mənbəsində Gəncə ermənisi Aleksandr Qazaryan tərəfindən qələmə alınan materialda oyunun 19 oktyabrda keçirildiyi bildirilir.

"Şirak"ın 3:1 qalib gəldiyi görüşdən sonra isə Gəncədə yaşayan ermənilərlə azərbaycanlılar arasında qarşıdurma baş verib. Şəhərin 20 sakini bu qarşıdurmadan sağ çıxmayıb.

Müsəllim Həsənovun müəllifi və aparıcısı olduğu "XX yüzilik" verilişində də bu məsələyə arxiv sənədlər əsasında toxunulub. Həmin verilişin həmin hissəsinə dair video teleqram kanalımızda