Bu gün futbol üzrə Azərbaycan Premyer Liqasında III tura start veriləcək.

Prosport.Az xəbər verir ki, günün yeganə oyununda "Kəpəz" "Turan Tovuz"u qəbul edəcək.

Gəncə şəhər stadionunda gerçəkləşəcək Qərb derbisi saat 17:00-da başlayacaq. Hər 2 kollektiv 2 oyundan sonra 3 xal toplayıb. Tərəflər ötən mövsüm çempionatda 4 dəfə üz-üzə gəlib. Bu oyunların 2-də Tovuz klubu, 1-də isə Gəncə təmsilçisi qələbə qazanıb. 1 görüş isə heç-heçə yekunlaşıb. Topların fərqində də "Turan Tovuz" irəlidədir – 4:1.

18 avqust
17:00. “Kəpəz” – “Turan Tovuz”
Hakimlər: Cavid Cəlilov, Zöhrab Abbasov, Şirmamed Mamedov, Əli Əliyev
VAR: Rəşad Əhmədov
AVAR: Cavanşir Yusifov
Hakim-inspektor: Babək Quliyev
AFFA nümayəndəsi: Seymur Səlimli
Gəncə şəhər stadionu

Qeyd edək ki, III turun "Qəbələ" – "Sumqayıt" və "Səbail" – "Zirə" oyunları sabah, "Qarabağ" – "Araz-Naxçıvan", "Sabah" – "Neftçi" görüşləri isə avqustun 20-də olacaq.