"Qarabağ" UEFA Avropa Liqasının pley-off mərhələsinə vəsiqə qazanıb.

Prosport.Az xəbər verir ki, Qurban Qurbanovun baş məşqçisi olduğu komanda Finlandiyada HYK-nın qonağı olub.

"Bolt Arena"da baş tutan qarşılaşma "köhlən atlar"ın 2:1 hesablı qələbəsi ilə yekunlaşıb.

Komandanın qollarını 45+3-cü dəqiqədə penaltidən Toral Bayramov, 55-ci dəqiqədə isə Yassin Benzya vurub. Meydan sahiblərinin heyətində Santeri Hostikka 11-ci dəqiqədə fərqlənib. Helsinki klubunun Toqo əsilli yarımmüdafiəçisi Kevin Kuassivi-Benisso isə 16-cı dəqiqədə ikinci sarı vərəqəni alaraq meydandan qovulub (ilk sarı vərəqəsini 2 dəqiqə əvvəl almışdı).

İlk matçda da rəqibini eyni hesabla üstələyən "Qarabağ" UEFA Avropa Liqasının pley-offuna yüksəlib. Komanda 2 il əvvəl HYK-a uduzmuş Samir Abbasovun çalışdırdığı "Neftçi"nin də qisasını almış olub. Həmçinin Qurban Qurbanovun yetirmələri bu nəticə ilə UEFA Avropa Konfrans Liqasında qrup mərhələsini təmin edib.

Ağdam klubunun Avropa Liqasının qrup mərhələsinə vəsiqə qazanmaq üçün rəqibi Sloveniya çempionu "Olimpiya" olacaq.