Millimizin sabiq futbolçuları – Rauf Əliyevlə Rəşad Sadiqov "Qarabağ"da məşqçiliyə başlayıb.

"Qarabağ" Akademiyasının koordinatoru Aftandil Hacıyevin Prosport.Az-a verdiyi məlumata görə, bunlar Rauf Əliyevlə Rəşad Sadiqovdur.

Ötən mövsümün ortasında "Kəpəz"dən ayrıldıqdan sonra futbolsuz qalan Rauf Əliyev ilk məşqçilik işinə oyunçu kimi daha çox tanındığı "Qarabağ"da başlayacaq. B kateqoriyası oxuyan 34 yaşlı Əliyev "Qarabağ"ın 19 yaşadək komandasında (U-19) Emin Mollayevin köməkçisi olacaq.

Bir müddət "Keşlə"də Tərlan Əhmədovun baş məşqçiliyi dönəmində oynayan məşqçi olmuş 39 yaşlı Rəşad Sadiqov isə "Qarabağ"ın U-16 komandasına başçılıq edəcək.

Qeyd edək ki, Rauf Əliyev 2006-2013-cü illərdə, Rəşad Sadiqov isə 2009-2012-ci illərdə "Qarabağ"da futbol oynayıb.