"Papağı evdə unutmuşdum. Ona görə fevralda Avstraliyanın Sidney şəhərində keçirilən döyüşüm zamanı həmin papağın eynisini tapa bilmədim".

Prosport.Az xəbər verir ki, bu sözləri Azərbaycanın UFC döyüşçüsü Rafael Fiziyev mətbuat konfransında deyib.

İdmançı həmin papağı həmişə yanında saxladığını bildirib: "O, yaxşı qardaş Aqşin Babayev tərəfindən mənə hədiyyədir. Papaq kimliyimi, tariximi, köklərimi mənə xatırladır".

O, pəhriz saxlamağın çətinliyi ilə bağlı məsələyə də toxunub: "Bütün azərbaycanlılar kimi döyüşmək ac qalmaqdan daha yaxşıdır. Pəhriz mənim üçün də döyüşdən əvvəl çətindir".

Qeyd edək ki, Bakıda UFC turniri iyunun 27-də Milli Gimnastika Arenasında baş tutacaq. Gecənin əsas döyüşündə Rafael Fiziyev yüngül çəkidə meksikalı Manuel Torreslə qarşılaşacaq.