Bakıda təlim-məşq toplanışında olan 17 yaşadək futbolçulardan ibarət Azərbaycan milli komandası hazırlıq çərçivəsində ilk yoxlama oyununda böyük hesabla qələbə qazanıb.

Prosport.Az xəbər verir ki, "Dalğa Arena"da Monteneqronun müvafiq yaş qrupundan ibarət komandası ilə qarşılaşan millimiz 4:1 hesabı ilə qalib gəlib.

Amid Qasımovun dubl etdiyi oyunda millimizin digər qollarını Ömər Kərimov və Hikmət Cəbrayılzadə vurub. Bu komandalar arasında növbəti oyun avqustun 18-də keçiriləcək.

Qeyd edək ki, U-17 millimizin baş məşqçisi Füzuli Məmmədovdur.