“Zirə” Azərbaycan Premyer Liqasında tarixinin ən uğurlu startına imza atıb.

Prosport.Az xəbər verir ki, komanda 2023/2024 mövsümünə 2 “quru” hesablı qələbə ilə başlayıb.

Rəşad Sadıqovun yetirmələri ardıcıl olaraq “Qarabağ” və “Kəpəz”i 1:0 hesabı ilə məğlub edib. Qəsəbə klubu ölkə çempionatları tarixinə startda 2 “quru” hesablı qələbə qazanan 18-ci komanda kimi düşüb. Bu, texniki nəticələr nəzərə alınmamaqla ümumilikdə 29-cu belə startdır.

“Neftçi” hamıdan çox – 5 mövsümdə ilk 2 oyunda qol buraxmadan qalib gəlib. “Qarabağ” 4, “Bakı” 3, Sumqayıt “Xəzər”i və “Xəzər Lənkəran” hərəyə 2, digər komandalar isə 1 mövsümdə belə uğurlu başlanğıc ediblər.

Qeyd edək ki, cari mövsümdə daha bir komanda eyni göstəricini təkrarlaya bilər. İlk turda "quru" hesabla qələbə qazanan “Sabah”ın görüşü təxirə salındığı üçün bakılılar 2-ci oyununa III turda çıxacaq.