"İmişli" Futbol Akademiyasının yeni rəhbərinin adı müəyyənləşib.

Prosport.Az-ın xəbərinə görə, bu vəzifəyə 49 yaşlı Rövşən Babayev təyin olunub.

R.Babayev bunadək "Sabah"ın seleksioner məşqçisi kimi işləyirdi.

Qeyd edək ki, daha əvvəl Fərid Namazovun əsas komandada köməkçi məşqçi, Vüqar Əsgərlinin U-19 komandasında baş məşqçi işləyəcəyini xəbər vermişdik.

Rövşən Babayevədək "İmişli"də uşaq futbolunun koordinatoru Ruhid Usubov idi. O da uşaq futbolunda məşqçi-koordinator kimi fəaliyyətini davam etdirəcək.