Avropa Liqasının III təsnifat mərhələsində “Qarabağ”ın qonağı olacaq HİK-in səfər proqramı dəyişib.

Prosport.Az xəbər verir ki, Finlandiya klubu öncədən nəzərdə tutulan vaxtda paytaxtımıza gəlməyəcək.

Komandanı gətirəcək təyyarənin gecə saatlarında Heydər Əliyev Hava Limanına enməsi planlaşdırılır.

Bu səbəbdən Bakıda oyunöncəsi məşq və baş məşqçi Toni Konkeakunnasın mətbuat konfransı baş tutmayacaq.

Qeyd edək ki, sabah Tofiq Bəhramov adına Respublika stadionunda keçiriləcək “Qarabağ” – HİK görüşü saat 20:00-da başlayacaq.