UEFA Avropa Konfrans Liqasının III təsnifat mərhələsində “Neftçi” ilə qarşılaşacaq Türkiyə klubu “Beşiktaş”ın Bakıya gətirəcəyi heyət açıqlanıb.

Prosport.Az xəbər verir ki, bu gün Azərbaycana yollanacaq komandanın heyətində 23 oyunçu yer alacaq.

Onlardan 3-ü qapıçı, 6-sı müdafiəçi, 10-u yarımmüdafiəçi, 4-ü hücumçudur. Baş məşqçi Şenol Günəş iştirak ərizəsində yer alan Əmir Yaşar, Göktuğ Baytəkin, Artur Masuaku, Aytuğ Köməç, Raşid Qezzal, Berkay Vardar, Əmirhan Dəlibaş, Cenk Tosun, Azad Dəmir və Mustafa Həkimoğlunun İstanbulda qalmalarını qərara alıb.

Qapıçılar: 1. Ersin Destanoğlu, 34. Mərt Günok, 97. Utku Yuvakuran;
Müdafiəçilər: 3. Fransisko Montero, 4. Onur Bulut, 6. Omar Kolli, 12. Daniel Amarti, 24. Valentin Rosye, 77. Umut Meraş;
Yarımmüdafiəçilər: 8. Salih Uçan, 17. Kərəm Kəsgin, 19. Amir Haciahmetoviç, 20. Nəcip Uysal, 21. Dəmir Tıknaz, 23. Kartal Yılmaz, 41. Oğuzhan Akgün, 71. Cin Onana, 83. Qedson Fernandes, 99. Əmrəcan Bulut;
Hücumçular: 7. Ante Rebiç, 10. Vensan Abubakar, 40. Cekson Muleka, 90. Semih Kılıçsoy.

Qeyd edək ki, sabah “Neftçi Arena”da keçiriləcək “Neftçi” – “Beşiktaş” görüşü saat 21:00-da başlayacaq.