"Qarabağ"ın U-17 komandasının baş məşqçisi Vüqar Əsgərli mediada onun haqqında yayılan xəbərlərə münasibət bildirib.

O, Prosport.Az-a verdiyi açıqlamada hələ heç kimlə anlaşmadığını bildirib:

"Hazırda müxtəlif klublardan və layihələrdən təkliflər alıram, qarşıdakı mövsümlə bağlı bütün variantları peşəkar şəkildə dəyərləndirirəm. Qərar verərkən mənim üçün yalnız maliyyə məsələləri deyil, həmçinin klubun inkişaf strategiyası, futbol fəlsəfəsi, iş mühiti və uzunmüddətli perspektiv də önəm daşıyır.

Bu səbəbdən hazırkı mərhələdə hər hansı yekun qərar verilməyib. Rəsmi və dəqiq məlumat olduqda, bunu ictimaiyyətlə şəxsən paylaşacağam.

Göstərilən marağa görə təşəkkür edir və hər kəsdən yalnız təsdiqlənmiş məlumatlara istinad etməyi xahiş edirəm".

Qeyd edək ki, Prosport.Az ilk olaraq "İmişli" klubunun yeni yaradılacaq U-19 komandasına baş məşqçi təyin olunması üçün Vüqar Əsgərli ilə danışıqlar apardığı barədə məlumat yayıb.