"Turan Tovuz"un avrokubok cəzası bu gün azaldıla bilər.

Prosport.Az-ın xəbərinə görə, bu gün CAS-da (İdman Arbitraj Tribunalı) bu məsələyə baxılacaq.

Vaxtı ilə "Osasuna"nın oxşar işində hüquqşünas olmuş ispaniyalı Jozep Vandeyos "Turan Tovuz"un hüquqlarını müdafiə edəcək.

Qeyd edək ki, İspaniyada 2020-ci ildə bitən təhqiqatın sonunda “Osasuna”nın bəzi rəhbərləri 2012/13 və 2013/14-cü illər mövsümlərində korrupsiya, gəlirlərin gizlədilməsi, oyun alqı-satqısı və digər bu kimi işlərdə günahkar bilinib. UEFA bunu əsas götürərək əvvəlcə klubu 2023/24-cü illər UEFA Konfrans Liqası yarışına buraxmaqdan imtina edib. Sonra “Osasuna” məsələni CAS-a apararaq, keçmiş rəhbərlərlə heç bir əlaqələrinin olmadığını bildirib və qalib gəlib. Bundan sonra UEFA CAS-ın qərarını əsas götürərək cəzanı aradan qaldırıb.

Milliyyətcə katalon olan Jozep Vandeyos LaLiqada Qiymətləndirmə Komitəsinin də üzvüdür.