İngiltərə Premyer Liqası "Real TV"də göstərilə bilər.

Prosport.Az-ın əldə etdiyi məlumata görə, hazırda "Real TV"nin əməkdaşlıq etdiyi "TV Net" provayderi ilə yayım hüquqlarının məxsus olduğu şirkət arasında danışıqlar gedir.

Daha əvvəl "Lider", "İdman", İTV telekanallarında efirə getmiş Premyer Liqa bu dəfə "Real"da göstərilməyə yaxındır.

Lakin telekanal Premyer Liqanın yayımını bu ay üçün çatdıra bilməyəcək. Belə ki, ən yaxşı halda oyunların Azərbaycan teleməkanında göstərilməsi sentyabrdan etibarən mümkün olacaq.

Qeyd edək ki, İngiltərə Premyer Liqasında 2023/24 mövsümünə avqustun 11-də "Bernli" ilə son çempion "Mançester Siti" arasında baş tutacaq oyunla start veriləcək. Matç Bakı vaxtı ilə saat 23:00-da start götürəcək.