Azərbaycan Premyer Liqasında I turun daha 2 oyunu keçirilib.

Prosport.Az xəbər verir ki, səfər komandaları qalib gəlib.

"Sumqayıt" Bayıldakı "ASCO Arena"da "Səbail"i böyük hesabla məğlub edib. Qolları "Səbail"dən David Qomis (62), "Sumqayıt"dan Rövlan Muradov (27), Erik Sorqa (67, penalti), Kamran Quliyev (69) və Səbuhi Abdullazadə (76) vurub

2-ci heyətlə (yalnız hücumda Redon Cica oynayıb – red.) meydana çıxan "Qarabağ" isə Suraxanıdakı "Azərsun Arena"da "Zirə"yə uduzub. Qurban Qurbanovun yetirmələri yunanıstanlı mərkəz müdafiəçisi Dimitrios Xantakiasın 48-ci dəqiqədə vurduğu qola mane ola bilməyib. Çempion mövsümə məğlubiyyətlə başlayıb. Bu, "Qarabağ"ın tarixində ilk dəfə "Zirə"yə məğlubiyyəti olub.

Qeyd edək ki, turun dünən keçirilmiş ilk oyununda “Turan Tovuz” səfərdə “Araz-Naxçıvan”a 3:0 hesabı ilə qalib gəlmişdi. Tura sabah keçiriləcək “Kəpəz” – “Neftçi” və “Sabah” – “Qəbələ” oyunları ilə yekun vurulacaq.