"Qarabağ"ın 16 yaşadək komandasının (U-16) Niderlandın Dörne qəsəbəsində keçiriləcək "Xeyriyyə Kuboku"ndakı oyunlarının vaxtı müəyyənləşib.

Prosport.Az-ın xəbərinə görə, yarışın açılış mərasimi mayın 14-ü saat 10-da (Bakı vaxtı ilə saat 12:00) olacaq.

Elə həmin gün komandamız təşkilatçı komanda olan "Robinstayn"la (bizim vaxtla 13:00), Belçika "Anderlext"i (bizim vaxtla 14:00) və Niderland "Ayaks"ı (bizim vaxtla 15:00) ilə qarşılaşacaq. Bakı vaxtı ilə saat 16:30-20:30 aralığında isə pley-off və final mərhələsi keçiriləcək.

12 komandanın iştirakı ilə keçiriləcək turnirdə oyunlar 25 dəqiqədən ibarət olacaq.

Qeyd edək ki, komanda bu gün Türkiyənin İstanbul şəhərinə yola düşəcək. Sabah Rauf Əliyevin baş məşqçisi olduğu komanda Fatih Terim adına stadionda "Başakşəhər"in müvafiq komandası ilə yoxlama oyunu keçirəcək.